Rusiyaya mal idxalı azalıb
UNCTAD: 2022-ci ilin üçüncü rübündə Rusiyaya mal idxalı 17 faiz azalıb
Birləşmiş Millətlər Təşkilatının Ticarət və İnkişaf Konfransının (UNCTAD) hesabatına görə, 2022-ci ilin üçüncü rübündə (iyul-sentyabr) Rusiyaya mal idxalı illik müqayisədə 17 faiz azalıb, ixrac isə 1 faiz artıb.
Eyni zamanda, ikinci rüblə (aprel-iyun) müqayisədə idxal, əksinə, artıb, ixrac isə kəskin şəkildə azalıb. 2022-ci ilin iyul-sentyabr aylarında Rusiyaya aprel-iyun aylarına nisbətən 26 faiz çox mal idxal edilib, lakin Rusiya məhsullarının xarici alıcılara satışı 13 faiz az olub.
“Dünyanın ən böyük ticarət iqtisadiyyatlarından bəzilərinin idxal və ixrac meylləri 2022-ci ilin üçüncü rübündə ticarətin artım tendensiyalarını daha da nümayiş etdirir. Rusiya Federasiyası istisna olmaqla, bütün əsas iqtisadiyyatlarda mal ticarəti bir il əvvəldən xeyli yuxarı idi”, UNCTAD analitikləri bildiriblər.
Təşkilat 2022-ci ildə qlobal ticarətin ilk növbədə ilin birinci yarısındakı güclü artımdan irəli gələrək rekord həddə 32 trilyon dollara çatacağını gözləyir.
Daha əvvəl “Vedomosti” qəzeti mənbələrə istinadən xəbər verib ki, Rusiya Avropa İttifaqı , ABŞ və Avstraliya tərəfindən qəbul edilmiş neftin qiymətinin tavanına qarşı mübarizə mexanizmini təsvir edən prezident fərmanı layihəsini razılaşdırıb . Sənədə əsasən, neftin satışı müqavilədə qiymət tavanına qoşulmuş alıcı ölkə olduğu halda qadağan edilir.
Bundan əlavə, əgər müqavilədə şərt kimi qiymət həddi göstərilibsə və ya tavana bərabər qiymətlər müəyyən edilibsə, xammalın ixracı qadağandır. Sənəddə həm də sövdələşmələrə qoyulan qadağadan yan keçməyə imkan verən bənd var, ancaq hökumətlə razılaşdırılmaqla.
