Artıq Krım körpüsünə bir kateqoriya avtomobil buraxılmayacaq

Nəqliyyat Nazirliyi: dekabrın 11-dən etibarən bəzi yük maşınlarının Krım körpüsündən keçməsinə icazə verilməyəcək

Rusiya Nəqliyyat Nazirliyinin saytında verilən məlumata görə, dekabrın 11-dən etibarən bir kateqoriyadan olan avtomobillər Krım körpüsünə buraxılmayacaq .

Nazirlikdən verilən məlumata görə, məhdudiyyətlər yükgötürmə qabiliyyəti 1,5 tondan çox olan yük avtomobillərinə, xüsusən də “Qazel” tipli avtomobillərə şamil ediləcək. Bu nəqliyyat vasitələrinin sürücülərinə Kerç boğazını keçərkən səyahət üçün alternativ yol seçmək və ya bərə keçidindən istifadə etmək tövsiyə olunub.

Nəqliyyat Nazirliyi müvəqqəti məhdudiyyətlərin aradan qaldırılması barədə əlavə məlumat verəcək. “Krım körpüsünün yol hissəsində hər iki istiqamətdə avtomobillərin və avtobusların hərəkəti adi iş rejimində həyata keçirilir”, – nazirliyin məlumatında deyilir.

Oktyabrın 8-də Kerç boğazı üzərindən keçən körpüdə yük maşını partlayıb, nəticədə iki vaqonun arakəsmələri qismən dağılıb, həmçinin qatarın yeddi yanacaq çəni yanıb. Qəza nəticəsində 3 nəfər ölüb.