Səudiyyə Ərəbistanı ukraynalı qaçqınlara 10 milyon dollar ayırır

Səudiyyə Ərəbistanı kralı Polşadakı ukraynalı qaçqınlara 10 milyon dollar ayırıb

Səudiyyə kralı Salman ibn Əbdül-Əziz Əl Səudun Humanitar Yardım Mərkəzi Polşadakı ukraynalı qaçqınlara kömək üçün 10 milyon dollar ayırıb. Monarxın vəsaiti Ümumdünya Səhiyyə Təşkilatı (ÜST) və Birləşmiş Millətlər Təşkilatının Qaçqınlar üzrə Agentliyi (UNHCR) vasitəsilə təmin ediləcək. Bu barədə Polşanın TVP World nəşri məlumat yayıb .

Səudiyyə Ərəbistanının Varşavadakı səfirliyinin press-relizində deyildiyi kimi , əsas prioritet zəruri ləvazimatların və təcili tibbi avadanlıqların alınması və təchizatıdır.

Kral Salman öz növbəsində qeyd edib ki, Səudiyyə Ərəbistanı ilə Polşa arasında son illər münasibətlər möhkəmlənib və hər iki ölkə ortaq dəyərləri bölüşür. O qeyd edib ki, Polşa Ukraynadan çoxlu qaçqını qəbul etdiyi kimi, Səudiyyə Ərəbistanı da xüsusilə Yəmən və Suriyadan bir milyondan çox insanı qəbul edib.

Bundan əvvəl Birləşmiş Millətlər Təşkilatının Qaçqınlar üzrə Ali Komissarlığının (UNHCR) İdarəsi 2022-ci il fevralın 24-dən avqustun 3-dək Ukraynadan 6,3 milyondan çox qaçqının Avropa ölkələrinə gəldiyini bildirib .